شعر : رضا کاظمی اردبیلی
محاوره ای
موضوع : اردبیل
آندوسون بویوگ الله آ
ایرانیم دا تَکدو بو یئر
وصفین ده عاجیزدی قَلم
گوزَلدی گویچکدی بو یئر
بویوگ افتیخار منیم چون
کی مَن اردبیلی اولدوم
آیری دوشدوم بو شَهَردن
داریخیب گول کیمی سولدوم
غیرَتی سوروشما اونان
کی توکَه یوردونا زَهرین
اصلییَتین بَیَنمِییب
دانا دَدَه بابا شَهرین
یئرده اولان توپراقووا
گوزلَریم قوربان اردبیل
هر طَرفدَن سَنی گوروب
اولدوم مَن حیران اردبیل
گوز آچیب چوخ لی ایگیدلَر
توپراقون دا آدلانیب لار
اوجالیب لار اطرافین نان
گوی لَرَه قاناد لانیب لار
#شعر : رضا کاظمی اردبیلی
#بایاتی
گُل اَکمیشم دول دادی
میوه باری خول دادی
دِین آناما گَلسین
گَلی یاریم یول دادی
اورگ ایشلَر قان اولسا
اَملی بیر جان اولسا
سولان گول کیمین اولام
مَن نَن یاریم یان اولسا
آلما واریم سویمارام
اَلدَن یئره قویمارام
هاردا گوزومه دیسون
باخیب سنه ⚖ دویمارام
توی سازیمیز تار اولسون
الله بیزه یار اولسون
بیز یاپیشاق اَل اَله
دوشمانیمیز خار اولسون
دوگو قاینار قازان دا
توبا اله آزان دا
کاش یانیم دا اولایدین
شعرلَریمی یازان دا
#شعر : رضا کاظمی اردبیلی
#بایاتی لار
شیرین دیئل بالی نیلَر
خوش باختلار فالی نیلَر
سَن کیمین قیزی اولان
دونیانی مالی نیلَر
آخیب سو لیل لَندیری
اوزونی بیل لَندیری
سَنون او شیرین دیلون
هامینی دیل لَندیری
آنام بیر قیز آلیبدی
منی درده سالیبدی
کاشکی آنام بیلیردی
سنده گوزوم قالیبدی
خنجر دَیه آشمارام
هر سوزه قاریشمارام
اوز حیاط یولداشیم نان
زَهَرلی دانیش مارام
قیش یِتیشیب قار گَلیب
باغچالارا نار گَلیب
گِدین آناما دِیین
ایستَدیگیم یار گَلیب
#شعر : رضا کاظمی اردبیلی
#بایاتی
گویدَکی پروانیم
عشقووه دیوانیم
سَن مَنه یار اولماسان
اوچوخلو ویرانیم
سازاندا غَملی چالدی
سَنی فیکریمه سالدی
گوزلَدیم گَلمدین سن
گوزلریم یولدا قالدی
آیریلیق یامان اولار
دردوغم اونا گونار
هر گونی مین گون کِچیب
عاشیقی یامان یورار
اورَگیم کوله دوندی
گوز یاشیم سئله دوندی
ایستَدیگیم آرزولار
قارغامیش یئره دوندی
توتوبدو مَنی قَهری
گلمِیب مَنه رَحمی
دوستوق آدینان گَلیب
ایچیرتی مَنه زَهری
#شعر : رضا کاظمی اردبیلی
#بایاتی
خوش هاوییا چالمیشام
مَن سیزه یول سالمیشام
وِرین یاریمی گِدیم
حَسرَتینده ☺️ قالمیشام
دَرد قَلَمی من دَدی
آتیمیشام چَمَن دَدی
جَملَشه مین گوزل لر
مَنیم گوزوم سَن دَدی
عشقیمیز یالان اولماز
اورک ده قالان اولماز
بَلی نی تِز وِر مَنه
من کیمین اوغلان اولماز
هِچ اولکَه ایران اولماز
سَن کیمی جیران اولماز
سَن مَنیم یاریم اولسان
گوزلَریم گیریان اولماز
سَنی گوردوم باشلاندی
عشق اورکده داشلاندی
سَن مَنه هَه دییَنده
سویونوب گوز یاشلاندی
شعر : رضا کاظمی #اردبیلی
#محاوره ای
#تراکتور
واردو بیر تیمی تورک لَرین
بایراقی گویلَردَه گَزَر
هان کی گروپ دا اولسا او
قورخین نان حریف لَر اَسَر
گوج لی قارتال کیمی گَلیب
میدان دا طوفان ایلییَر
چوخ لو گُل لار وریب اوتوب
حریفی گیریان ایلییَر
قوزانار سَس هَر طَرفدَن
تورک لَره جان دور تراختور
آخیلان قان دور داماردا
عشقی دور خان دور تراختور
قویوب دُنیانی حیرت ده
تراختور دا اولان حیبَت
اِشید مَن نَن بونو دُشمَن
بودور تورک دَه اولان غیرَت
سالار تَنگَه حریفین او
طَرفدارین اِدَر راضی
گزاریشگَر دییَر فارسی
چِقَد خوبه تو این بازی
شعر : رضا کاظمی #اردبیلی
#محاوره ای
#خَیانت
گیزلین رابیطَه زی گوریب
دوندو بَتَر وضع دَه حالیم
سَن کی آتیب مَنی ساتدین
سَنسیز مَن نِجَه قالیم
گوردوم اَلین دَه اَلیوی
کوز کیمین اوتلاندی اورَک
طومارلایاندا تِلیوی
بَتَر وضع دَه سیندی کورک
اَلَرینی بوشلاگینان
بی وَفا یار یانین دایام
دای مَنَه آز یالان دانیش
گوردوم اونی دالین دایام
یوز رَحمَت هامار ایتینه
سَنده وَفا هِچ یوخوموش
گوروندو هَرزه صیفَتین
ایتیل کی زاتین پوخوموش
یانمیش اورک یانماگینان
سینیخیب دوغرانماگینان
گِدَن گِدیب گَلمَیَجَک
دای بئله اوتلاماگینان
شعر : رضا کاظمی #اردبیلی
#محاوره ای
#اینتیظار
گوزلریم یولدا قالیبدور
سوگیلیم هاردا قالیبسان
اِلِیب سَن مَنی مَجنون
آغلیمی باشدان آلیبسان
کِشدی آیلار کِشدی ایئلر
اینتیظار صَبریمی کَسدی
اورَگیم شِدَته غم نن
سارالیب گول تَکین اسدی
اینتیظاردان قورویوب گوز
یورولوب دایامیشام مَن
آغاریب ساچ اَگیلیب بئل
مَنی پیس قوجالتمیسان سن
قورخورام عومور قالمیا
دَییشَم دُنیامی سَنسیز
سَن گَلَن گونی گورمییَم
گَلدیگون یول اولا منسیز
اُمیدیم وارکی گَلیب سَن
مَنی بیر یاده سالارسان
سَن گَلیب بو تَک اوغلانی
شاد اِدیب یاری اولارسان
شعر : رضا کاظمی #اردبیلی
#محاوره ای
#گددیین گون نَن
سَن گِددیین گون نَن جانیم
اُولوب مَنه حیاط ظولوم
کاشکی بیلیردین سَنی چون
بَتَر داریخمیشام گولوم
هَر گِجَه لَر مَن اویاغام
یوخو گَلمیر گوزلَریمه
یازان دا سَن نَن قَلَم یم
قان آغلادی سوزلَریمَه
سَن کی دوشورسَن یادیما
غَم بورویور بَتَر مَنی
بو خَستَه حال دا سوگیلیم
ایستِییرَم فقط سَنی
بَلکَه گوروب شاواخلانام
گول اوزووو سَنون جانیم
گَلیب بیر باخیش سالاسان
داماردا ایشلییَه قانیم
سَن اولماسون ارزشی یوخ
حیاط دا هِش نَیین مَنه
بیر باخیشین مَنَه بَسدی
گَل بی باخیش باخیم سَنَه
شعر : رضا کاظمی #اردبیلی
#محاوره ای
#پیس طالح
سرنوشتیم یازیلاندا
یئر گوی مَنَه قان آغلادی
دوغولان گون نن بوغولوب
فَلَک اورَگی داغلادی
بعضی واخت قیریغ حالیما
بَتَر یازیغ لیغیم گَلیر
سَرنوشتیم بیر اوت اولوب
یانیر اورگیمی دَلیر
یوخدو چاره دوزمَلییَم
روزیگارین ایش لَرینه
بَتَر وضع ده چَ مَنی
بو روزیگار دیش لَرینه
یاره لییَم دَی مه مَنه
سوروشما احوالی جانیم
طالحیم ده یازیب فَلَک
قاره گون دَه فقط قالیم
کچیر عومور هامی گِدیر
من هَلَه یولدا قالمیشام
ایستَدیگیم آرزولارا
چاتمیب حسرت اولمشام
درباره این سایت